“أنا وصوتي تحت أمرك”.. هكذا رد تامر حسني على رسالة مصطفى حسن



01:00 ص


الأحد 11 أبريل 2021

كتب- عبد الفتاح العجمي

رد المطرب تامر حسني، على رسالة الشكر التي وجهها له الداعية مصطفى حسني، لغنائه تتر برنامج “الثمن” الذي يُقدمه في شهر رمضان 2021.

وكتب تامر عبر حسابه على موقع “إنستجرام”: “يا مصطفى يا حبيبي أنا أخدمك بعينيا وأنا وصوتي تحت أمرك في أي وقت، أنا اللي بشكرك من كل قلبي عشان سمحتلي أكون جزء بسيط من الخير والعلم اللي بتعلمه للناس ولكل أولادنا، ربنا يقدرك ويستخدمك دايماً في توحيد الناس بمختلف أفكارهم وكل سنة وكل يوم تكون سبب في هداية ناس أكتر، سلام كبير جداً لمتابعينك الكرام”.

أضاف: “أتمنى من كل متابعيني الكرام متابعة مصطفى في جميع الأحوال بيا أو من غيري لأننا كلنا فعلاً محتاجين نفهم حاجات كتير بيقدمها مصطفى بأجمل وأرقى شكل وطريقة، ومصطفى خير من يتكلم في الإيجابيات اللي يفهمها ويحسها أي شخص، وفعلاً بيصحح مفاهيم أغلبنا ممكن يكون فاهمها غلط، وأنا شخصياً من أشد محبين مصطفى ومن أشد متابعينه في كل برامجه، ربنا يقدرك يا أملنا الجميل، ويعينك ويقويك بقدر مكانتك العظيمة في قلوبنا، كل سنة وأنتوا طيبين ورمضان كريم على الجميع”.

وكان الداعية مصطفى حسني نشر صورة له مع الفنان تامر حسني عبر حسابه على موقع “إنستجرام”، وعلّق: “قال رسول الله ﷺ: (من لم يشكر الناس لم يشكر الله)، وأنا حابب أشكرك يا تامر يا صاحبي على أغنية تتر برنامج (الثمن)، صوتك العذب والأداء الصادق نعمة كبيرة عليك من ربنا، واللي أثَّر فيَّا يا صاحبي الغالي تواضعك واهتمامك وإقبالك على التعاون علشان نقدم محتوى فيه قيمة مُضافة للعقول والقلوب والأرواح.. تسلم وتعيش يا صديقي”.





Source link

اظهر المزيد

اترك رد

زر الذهاب إلى الأعلى